KONPOSITORE EGOILIARRA

DIANA PÉREZ CUSTODIO

1970. urtean Algecirasen jaio zen konpositore eta irakaslea (Andaluzia, Espainia). Ikus-entzunezko Komunikazio ikasketen doktoretza lortu zuen. Konpositore gisa, entitate desberdinen enkarguak jaso ditu. Horien artean: CDMC, Irrati klasikoa, Andaluziako Junta, UIMP, Andaluziako Parlamentua, Galiziako Arte Garaikidea Zentroa eta Arte Garaikideko Andaluziako Zentroa nabarmendu daitezke. Talde artistiko eta solista desberdinek ere enkargu lanak eskatu dizkiote. Bere ekoizpen sinfonikoa interpretatu duten orkestren artean Sevillako Real Orquestra Sinfonikoa, Bilboko Orquestra Sinfonikoa, Malagako Filarmonika eta Kordobako Orkestra Sinfonikoa daude.

Bere lanak nazioarteko hainbat ziklo eta jaialditan zabaldu dira, besteak beste, Bourges hiriko Festival Internacional des Musiques et Créations Electroniques jaialdia, Granadako Nazioarteko Musika eta Dantza Jaialdia, Cadizko Espainiako Musika Jaialdia, Perpignango Aujourd´hui Musiques Jaialdia, Portugaleko Música Viva Jaialdia, “Primavera en La Habana” Musika Elektroakustikoaren Nazioarteko Jaialdia, Mexikoko Electrovision zirkuitua eta Alacanteko Musika Garaikidearen Nazioarteko Jaialdia.

SOINU ARTISTA EGOILIARRA
XABIER ERKIZIA

 NAK Jaialdiak Xabier Erkiziaren laguntzaren grina zuen. Musikaria, produktorea, kazetaria eta soinu artista da eta bere lana soinuaren ikerketan eta jakinminan oinarritzen da. Nazioarteko erakusketa zein proiektu desberdinetan parte hartu du eta sari desberdinak jaso ditu soinu proiektuengatik.

Erkiziaren lana funtzezko osagaia izan da CMC Garaikideak egindako proiektuan, irailaren 16an, jaialdiaren amaierako kontzertuan entzuteko aukera izango dena. Proposamen honek instrumentu akustiko eta zuzenean manipulatutako instrumentu elektronikoen bidez aldiuneko poetika aztertzen du.

Bere lana ikusgai egongo da ere jaialdiari hasiera emango dion ikusentzunezko instalazio batean. Jaialdia irauten duen egunetan zehar aktibo egongo da instalazio hau Civican Nafarroako kutxa Fundazioak sustatzen duen pentsamendu eta kultura espazioan. Edizioaren teaserra ere sonorizatu du eta horretarako Georges Aperghis konpositorearen Recitation nº1 izeneko obraren bertsio bitxia egin du. Link honetan, moldaketa hau, beste lau bertsio eta Erkiziak denboraren gaiaren inguruan egindako obra bat ere entzun daitezke.

PENTSALARI GONBIDATUA

MARINA HERVÁS

Marina Hervás (1989) Musika Historia eta Zientzia ikasketak egin zituen Errioxako Unibertsitatean. Filosofia ikasketak ere La Laguna Unibertsitatean burutu zituen Lizentziaturako sari bereziarekin. Ondoren, Unibertsitate berean Teoria del Arte Masterra egin zuen. FPU beka bati esker, Bartzelonako Unibertsitate Autonomoan Filosofiako doktoretza lortu zuen.  

Doktoratu aurretik eta ondoren ikerketa lanak egin zituen, DAADek finantziatua, Frankfurteko Gizarte Ikerketarako Institutuan, Berlingo Arteen Akademian eta Musikinstitut Darmstadt nazioarteko zentroan. 

Freelance musikologoa ere bada eta programa publiko zein pedagogikoen dibulgazio lanak egin izan ditu. Jaialdi desberdinetan parte hartu du: Ensems, Memmix, FASE, La Escucha Errante, VANG, Punto de Encuentro (AMEE) eta Música Actual (Badajoz). Ensenble edo talde desberdinekin ere lankidetzan aritu da: OCAZ Enigma, Sigma, Quantum, Laboratorio KLEM, Ciklus, Sonido Extremo edo Sinoidal. Instituzio desberdinekin ere elkarlanean egon da: ESMUC, MNCARS, ORCAM,  OCNE,  OST,  OSCyL,  OUPF, La Casa Encendida edo OBC.

Hainbat komunikabideetan parte hartu du, hala nola Música Viva, Ars Sonora, La Casa del Sonido eta Longitud de Onda (RNE). Gaur egun, musikari buruzko atal bat darama Onda Cero irratian “Más de uno” izenekoa. Granadako Unibertsitateko Historia eta Musika Zientzien Departamentuan irakasle laguntzaile lanetan dabil.

ANTOLATZAILEAK

DIRUZ LAGUNTZEN DUTE

KOLABORATZAILEAK